HUMILLIMUS SUPPLEX LIBELLUS GABRIELIS DAYKA DE ÚJ-HELLY AD SERENISSIMUM HAEREDITARIUM REGIUM PRINCIPEM, ARCHI-DUCEM AUSTRIAE ET PALATINUM NEC NON EXCELSUM CONSILIUM REGIUM LOCUMTENENTIALE HUNGARICUM
Serenissime Haereditarie Regie Princeps, Archi-Dux Austriae et Palatine, Excelsum Consilium Regium Locumtenentiale Hungaricum, Domine, Domini, Benignissimi, Gratiosissimi!
Infrascriptus humillime supplicat, ad aliquam ex cathedris pro docenda Lingua et Litteratura Hungarica, ingruente anno proximo Scholastico aperiendis, in aliqua Academia, aut si jam hoc tarde foret, in quoniam Gymnasio, praecipue Cassoviensi, Leutshoviensi, Új-helyiensi, Miskóltziensi, per Celsitudinem Vestram Regiam, ac Excelsum Consilium Regium Locumtenentiale benigno gratiose promoveri, subjunctis e motivis.
1o. Nam praeterquam, quod purissimum Coelum Hungaricum, Comitatus Zempliniensis ipsi natalis locus sit, et specimina Linguae, et Litteraturae Hungaricae in scriptis Periodicis Museum, et Orpheus dictis iam edidit et ex humillime adnexo hic sub % fragmento Versionis ex Gallico, ipsius habilitas diiudicari poterit. Praeterea
2do. Linguam Patriam anno antehac uno in Generali Seminario Pestano, ubi Cursum Theologicum Alumnus exegit integrum, cum successu coalumnorum, et quorundam aliorum docuit.
3tio. Praeter Linguas in Patria usitatas, et veteres eruditas, etiam Gallicae, et Italicae petitus, Anglicae quoque ex parte gnarus, genio linguae diiudicando, ipsiusque Linguae ope aliarum, ubi opus est, facilitandae aptus est.
Pro impertienda hac in parte Benignitate et Gratia, profunda cum submissione venerabundus emoritur.
Budae die 28a Augusti 1791.
Celsitudinis Vestrae Regiae ac Excelsi Consilii Regii Locumtenentialis Hungarici humillimus infimus servus
Gabriel Dayka de Új-hely