Serenissime Princeps Caesareo-Regie, Archidux Austriae,
Regni Hungariae Palatine!
Excelsum Consilium Regium Locumtenentiale Hungaricum!
Domini Benigno-Gratiosissimi!
Infrascriptus, dum anno proxime elapso per Benigno-Gratiosissimam Excelsi Consilii Regii Locumtenentialis Hungarici Interpositionem 50. florenorum Augmentum Pensionis suae ex Altissima simul ac Clementissima Suae Majestatis Sacratissimae Gratiae cum tenerrimo gratitudinis affectu perceperat, eodem prorsus tempore, vi Generalis Resolutionis Adjutam 50 procentualem amisit: quo factum est, ut 75. florenis annuis minus, quam antea, haberet.
Cum ergo vitae necessitatibus, quae ob quotidie magis ingravescentem aetatem, defectum virium, et vicissitudines sanitatis multo minus, quam prius, occurrere possit, pro Augmento Pensionis suae iterum humillime supplicat, seque Altis Gratiis et Benigno-Gratiosissimis favoribus enixissime commendans, emoritur
Serenitatis Vestrae Caesareo-Regiae
et
Excelsi Consilii Regii Locumtenentialis Hungarici
Budae die 16. Augusti 1820.
humillimus servus
Franciscus Verseghy
Expaulinus Presbyter.
[A külzeten Verseghy kezével:]
Ad Serenissimum Principem Caesareo-Regium Jospehum, Archiducem Austriae, Regni Hungariae Palatinum, et ad Excelsum Consilium Regium Locumtenentiale Hungaricum Dominos Benigno-Gratiosissimos
humillima Supplicatio
Francisci Verseghy Expaulini Presbyteri pro Augmento suae Pensionis.