Infrasriptus humillime obtestatur: dignetur ei Serenitas Vestra Caesareo-Regia et Excelsum Consilium Regium a Sua Majestate Sacratissima augmentum pensionis annuae pro innata Sibi Benignitate exoperari.
Pretium rerum necessiarum quotidie increscere, abunde notum est, ut adeo Supplicans, provectioris jam aetatis, magna virium suarum parte per aegritudines, in servitio Regio in castris olim turcicis ad latus Superioris Castrensis praestito contractas fractus, atque morbis, harum utpote aegritudinum consectariis, attestante hic sub ./˙ adnexo testimonio medico, hucdum obnoxius, ad Clementiam Sacratissimae Suae Majestatis pro alleviamine humillime recurrere constringatur.
Accedit, quod in tanta rerum penuria, Matrem etiam suam 84 annorum, tempore novennalis absentiae suae per malevolos homines omni substantia subleste spoliatam, una cum servili, cujus spe ob male affectam valetudinem, ac fractam penitus senectutem, noctu diuque indiget, ex obligatione filiali sustentandam habent.
Renovata humillima petitione sua, cum plenissima veneratione ac devotissima subjectione perseverat
Serenitatis Vestrae Caesareo-Regiae
et
Excelsi Consilii Regii Locumtenentialis
Budae 20a Junii 1808.
Infrascriptus præsentibus Fidem facio Admodum Reverendum Dominum Franciscum Verseghy a morbosa depositione in Osse Pectoris Cariosa Vulnera – plures ante Annos habuisse, hinc remanens Materia in Massa Humorum Oberrans pedes Vulnerosos cautus ponens Arthriticis Doloribus juncta pertinaci febre eum tantopere vexat, ut et per Hebdomadas lectui affixus sit.
Josephus Kramer mp.
salub Med. Doctor