Serenissime Princeps Regie, Archidux Austriæ,
ac Regni Hungariæ Palatine!
Infrascriptus humillime obtestatur: dignetur Celsitudo Vestra Regia pro innata Sibi erga affectam humanitatem clementia supplicem Infrascripti libellum hic humillime adclusum Sacratissimæ suæ Majestati benigno-gratiose admanuare, atque potentissima sua interpositione preces Supplicantis subfulcire. Supplicantis studium omne, dum vixerit, in eo versabitur, ut manifeste ostendat: se hac benigno-gratiosa interpositione Celsitudinis Vestræ Regiæ indignum non fuisse. Qui coeteroquin etiam cum demissima veneratione emoretur.
Celsitudinis Vestræ Regiæ
Budæ, die 27a Junij 1793.
devotissimus servus
Franciscus Versegi
emeritus Capellanus
Castrensis
[A külzeten Verseghy Ferenc kezével:]
Ad Serenissimum Hungariæ et Bohemiæ Regium Hæreditarium Principem et Archiducem Austriæ, Dominum Alexandrum Leopoldum, Aurei velleris, una Insignis Ordinis S. Stephani Regis Apostolici Magnæ Crucis Equitem, Regni Hungariæ Palatinum et Locumtenentem Regium, uti et Generalem Ejusdem Regni Capitaneum, Comitem et Judicem Jazygum et Cumanorum, unius Legionis Militiæ equestris Ordinis Hungaricæ Proprietarium Colonellum, Comitatuum Pesth, Pilis et Solth Articulariter unitorum supremum ac Perpetuum Comitem, Consilii Regii Locumtenentialis Hungarici, nec non Tabulæ Septemviralis Præsidem, Dominum suum benignissimum, gratiosissimum
supplex libellus
Francisci Versegi
pro intercessione
Celsitudinis suæ Regiæ apud suam
Majestatem Sacratissimam humillime
supplicantis