Amplissime Magistratus
Perillustres ac Generosi, nec non Prudentes ac Circumspecti Domini,
Domini singulariter colendissimi, observandissimi[!]
*A címzés felett a levél egykorú iktatósszáma: 2477. November 1790. A levél jobb felső sarkában egykorú az egykori iktatószám és a beérkezés időpontja: 2477. praesentatum 29a Octobris 1790[.]
Insinuavit mihi dominus Boesz, artis musices in praecipuis liberae regiae huius civitatis domibus institutor, praetitulatas Dominationes Vestras motu proprio eo inclinare, ut idem in locum domini Lechki, qui artem hanc in schola regia normali Cassoviensi ita volentibus praetitulatis Dominationibus Vestris hucdum instituerat, applicetur; nec aliud restare videri mihi asseruit, quam ut huius intuitu ego sensum meum adoperirem.
Non quidem mihi constat memoratum dominum Lechki officio suo praegesto decessisse; sed nec id credere possum quod amplissimus magistratus eum sine consolatione dimittere meditaretur: hinc, cum dies, quo scholae normales ac altissima ordinatione regia aperiendae sunt, ita appropinquet, ut interiacentes dies, vix ad fovendam eam, quae in negotio hoc necessaria est, cointelligentiam, sufficere videantur, utut hac de re non interrogatus, officiose insinuo, me contra meditatam memorati domini Boesz in classe musices applicationem nihil omnino habere; nec tamen quaqua ratione in votis mihi esse, ut dominus Lechki ex statione eadem, nisi ea ultro recesserit, amoveatur. Caeterum aestimatissimis favoribus, et benevolentiae commendatus, debito cum cultu persisto. – In Promontoriis Submontanis 22a Octobris 1790.
Amplissimi Magistratus
servus obligatissimus
Franciscus de Kazinczy mp.
[A levél címzése a külzeten:] Amplissimo Magistratui Liberae ac Regiae Civitatis Cassoviensis, titulatis titulatis Dominis colendissimis, observandissimis. Cassoviae. ex officio[.]
*A címzésoldalon feltehetőleg Kazinczy későbbi bejegyzése: lev. 1818. VI. 25.1.