Perillustris ac Generose Domine
Normalium Regie Inspector mihi Colendissime!
Instantia Districtus Sub Carpatensis Catholicorum ludi-rectorum[!], die 11a Martii 1789. data, et per illustrissimum dominum comitem Ludovicum Törrök[!] pro danda informatione tradita, mecum communicata, copiosa continet lamenta, ita artificiose contexta, ut partim intolerantiae, ac persecutionis Augustanae Confessionis homines, per quos ultra solvi cuperent, arguat; partim vice-comitem, diversis praetextibus, et durissimis subsumptionibus impetat; partim operantes in investigatione quaerimoniarum exmissos comitatus deputatos adgrediatur, et plane unum eorum, cum magna iniuria proscindat; partim denique tela sua contra altiores ordinationes, usum non canonisantes, dirigat, taceo querelarum expositarum irrealitatem, interest omnino, ut ad hanc respondeatur, ac quae subversatur, vera rei indoles describatur, in primis, si quam attentionem eadem instantia causare posset; peto itaque, ne prius circa hanc quidpiam repraesentetur, in subversante merito, donec ad contenta respondeatur. Et quia nihil agi possit, donec constet, quinam sunt illi ludi-magistri, qui instantiam exhibuerunt, ideo iidem resciri debent, ut singulo responderi valeat; instantibus detectis responsum elaborabitur, et contrariis sibi oppositis veritas depraehendi poterit. Haec ab aequanimitate praestolaturus, praetiosis favoribus commendatus esse persevero.
Titulatae Dominationis Vestrae
servus obligatus
Emericus Horvath Stansith de Gradecz vice comes
Leutsoviae 27 Maii 1789.
[A levél címzése a külzeten:] Perillustri ac Generoso Domino Francisco Kazinczy de Eadem Scholarum Nationalium Inspectori. Titulato domino mihi singulariter colendissimo. Leutschoviae. Ex officio inclyti comitatus[.] Sub Carp[athenses] instantiae[.]