HUN–REN–DE
Klasszikus Magyar Irodalmi
Textológiai Kutatócsoport

Magyar írók levelezése
Elektronikus kritikai kiadás

HU EN
Rozsnyó város evangélikus közössége – Kazinczy Ferencnek
Rozsnyó, 1788. július 17.
Spectabilis ac Perillustris Domine Inspector!
Intellexerunt infrascripti, ex publicato coram utraque Catholica videlicet et Evangelica communitate in consessu magistratus Rosnaviensis excelsi Consilii Regii Locumtenentialis de dato 5. Iunii sub numeris 21822. emanatos gratioso intimato, eam esse Suae Maiestatis Sacratissimae expressam voluntatem, ut hic in oppido praeexistentes utriusque religionis nationales scholae uniantur.
Cum autem hicce sub numeris 1o[,] 2do[,] 3tio et 4to adnexa acta testimonio essent, infrascriptis ex ibidem inductis motivis scholas separatas admissas haberi. Ideo orant Spectabilem ac Perillustrem Dominationem Vestram: dignetur interea etiam, quoad eatenus ad thronum Suae Maiestatis supplici suo hicce sub No 5.to adnexo recurrerent, semet in usu admissarum distinctarum scholarum relinquere. Rosnaviae die 17a Iulii 1788.
Communitas utriusque nationis Evangelica Rosnaviensis.
[A levél külzetén a rozsnyói evangélikus közössség bejegyzése:] Sub No 1o Declaratio Communitatis Evangelicae Rosnaviensis, erga publicatum exc[elsi] Consilii Regii Locumtenentialis sub No 21822. emanatum gratiosum intimatum spectabili domino Francisco Kazinczy de Eadem, Districtus Cassoviensis scholarum nationalium inspectori anni currentis die 17a Iulii introporrecta, cum acclusis No 5. instrumentis. ad numerum 13286[.] 1788[.]