*Az irat szövege felett balra az irat egykorú iktatószáma: 297. 2645/2572. K. K.
Ex rescripto inclytae Cameralis Administrationis Cassoviensis de dato 17ae Aprilis anni currentis No 2253. intelligo eandem inclytam Cameralem Administrationem eos ordine fecisse, ut ubi ego pro introducenda iuxta contractum de dato 17ae Augusti 1784. scholae nationalis ad camerale oppidum Sátor Alja Ujhely exivero ex parte dominorum officiolatum cameralium necessaria assistentia exhibeatur.
Cum proinde 1a Maii ea, quae hoc in puncto altissimum servitium summi terrae principis, et processus litterarum ipsorumque civium emolumentum a me exigunt, adordiri constituerim, praesentibus Spectabilem Dominationem Vestram officiose requirendum duxi ut ultima praesentis Ujhelyinum se conferre, et mihi hac de re cum communitate omnium confessionum non secus quam Catholica tractatio amicum succursum praebere dignetur. Qui pretiosis favoribus commendatus persisto. Cassoviae die 27a Aprilis 1787.
Spectabilis Domnationis Vestrae
obligatissimus servus
Franciscus Kazinczy.