Spectabilis ac Generose Domine Vice Capitanee,
Domine singulariter colendissime!
Insinuaverat Spectabilis Dominatio Vestra illustrissimo domino comiti Ludovico Törők, suppremo[!] studiorum districtus litterarii huius directori, sub 12a adhuc Septembris anni proxime praeterlapsi, communitatem Helveticae Confessionis Evangelicorum Jászberényiensium ad commixtionem scholarum es sub conditione, quodsi in schola nationali Jáßberenyiensi statio unius professoris individuo confessioni huic addicto collata fuerit, accessisse.
Quod postquam recenter per illiustrissimum dominum comitem supremum studiorum directorem mihi notificatum fuisset, pro tanto celerius assequendo scopo per Suam Maiestatem Sacratissimam tantopere exoptato, requirendam duxi Spectabilem Dominationem Vestram, dignetur eandem communitatem evangelicam super eo assecurare, quod petito eiusdem, circa conferendam alicui ex individuis Helveticae Confessionis addictis unius professoris stationem, deferre paratus sim, immo declarationem eiusdem communitatis praestoler, an illa idoneum aliquod subiectum pro condiscendis obiectis altissimo nomine regio praescriptis horsum mittere, vel extraneo aliquo iam normaliter praeparato contentari velit? Casum in posteriorem non morabor ea, quae altissimae ordinationes regiae, religionisque protestantium libertas a me exegerint, citra dilationem exequi.
Praestolabor officiosam hoc in merito Spectabilis Dominationis Vestrae informationem, qui caeterum solito cum cultu persevero Cassoviae 20 Martii 1787.
Spectabilis Dominationis Vestrae
obligatissimus:
Franc[iscus] Kazinczy.