Amplissime Magistratus
Domini singulariter Colendi!
Altissima voluntate regia in eo defixa existente, ne ullus docentium in scholis nationalibus retineatur, cui lingua Germanica familiaris non fuerit, unus ex professoribus capitalis scholae Cassoviensis egregius dominus Andreas Sikur ex statione sua, in qua ab anno 1772. omnes obligationis suae partes laudabili cum zelo et plenaria superiorum suorum satisfactione explere adnisus est, et certe explevit, amoveri debet.
Ne itaque post praestitum 16. annorum servitium, ex quo non culpa sua, sed per calamitatem excidit, improvisae alicui necessitati exponatur: officiose rogandum duxi amplissimum hunc magistratum, ut in casum enasciturae cuiuspiam vacantiae, virum hunc de civitate hac optime meritum in reflexionem sumere, et per collationem servitii alicuius, quod usum linguae Germanicae de natura sua non exposcit consolari dignetur.
Caeterum debito cum cultu persisto
Amplissimi Magistratus
obligatissimus servus
Franciscus Kazinczy de eadem
Scholarum Nationalium per Districtum Litterarium Cassoviensem cum Unghvariensi unitum regius inspector mp.
Cassoviae 13. Novembris 1786.
[A levél címzése a szövegoldalon:] Amplissimo Magistratui Liberae Regiaeque Civitatis Cassoviensis Dominis singulariter colendis. Cassoviae. ex officio[.] Ab inspectore regio scholarum nationalium.
[A külzeten helytartótanácsi bejegyzés]: Usque affuturam restaurationem inter acta asservandas concludi[.] Relatio 17ae Novembris 1786[.] praesentatum 13. Novembris 1786. Dominus Franciscus Kazinczy scholarum nationalium Districtus Cassoviensis et Unghvariensis inspector dominum Andream Sikur scholae huiatis nationalis magistrum, propter ignorantiam linguae Germanicae a praevio officio excidere debentem pro affutura quapiam vacantia in reflexionem summendum commendat de dato 13ae Novembris 1786.