Spectabilis Domine Inspector!
*A megszólítás felett balra a főigazgatósági irat száma: 411.
Dignata est Sua Maiestas Sacratissima, ut mihi excelsum Consilium Regium Locumtenentiale die 1a Aprilis No 5343. gratiose significavit, Spectabilem Dominationem Vestram ex nullo demerito, sed ideo solum, quod alicuis sacris a fide Catholica addita sit, ab inspectorali officio ea conditione benigne dispensare, ut non solum unius anni salarium, a die resignationis computando e Fundo Studiorum solvendum, levare habeat, sed insimul ad eandem enascitura convenienti in alio officio vacantia altefata Sua Maiestas benigne reflexura sit.
Quod ipsum dum Spectabili Dominationi Vestrae notum reddo, una significo a me in consequentiam praeadducti intimati, donec eatenus authoritate regia provisio facta fuerit, administrationem officii inspectoris domino Josepho Janusek modo substitutorio comissam, huicque iniunctum esse, ut archivum et alia, ad munus – mox dictum facientia, sibi a Spectabili Dominatione Vestra tradi faciat, velit proinde illa memorato domino Josepho Janusek proximius ingravate immanuare. De caetero dum Spectabili Dominationi Vestrae pro exantlatis in praegesta provincia fatigiis, et publici et meo nomine multas habeo grates, avide occasionem praestollor, qua porro contestari valeam, quod sum.
Spectabilis Dominationis Vestrae
obligatus servus
Comes Ludovicus Török mp.
Cassoviae 8a Aprilis 1791.
[A levél címzése a külzeten:] Cassovia. Spectabili Domino Kazinczy de Eadem Vernacularum Domino Scholarum per Districtum Litterarium Cassoviensem Inspectori Regio. Alsó Regmetz Ex officio. In negotio studiorum.