Spectabilis Domine Inspector!
Serenissimo archiduce domino Alexandro Leopoldo, deposito praevie iuramento, Praesidium excelsi Consilii capiente, idem consilium de dato 21. Ianuarii No 1482. formulare curialium, huic Regio Superiori Studiorum Directoratui communicavit, quod praeattactae dominationi vestrae hic in copia eo fine adnectitur, ut hanc curialium modalitatem, in casum ad excelsum consilium faciendi recursus et Spectabilis Dominatio Vestra observet, et per sibi subordinatos locales directores, quibus similis recursus in merito stipendiatorum competit, observari faciat. Datum ex Regio Superiori Studiorum Directoratu. Casssoviae. 7. Februarii 1791.
Praeattactae Dominationis Vestrae
obligatissimus servus
Paulus Erős prodirector.
[A levél címzése a külzeten:] Kazinczy[.] 287. Cassovia. Spectabili Domino Francisco Kazinczy, per Districtum litterarium Cassoviensem Vernacularum Scholarum Inspectori[.] Ex officio. In negotio studiorum.
*A címzésoldalon lent: 1 L[?] 8 cruciferii[.] Alatta Kazinczy bejegyzése: Qualiter titulum[.] In praeambulo. Serenissime Regie haereditario Princeps, Archidux Austriae, et Palatine! Excelsum Consilium Regium Locumtenentiale Hungaricum! Domine, Domini Benignissime Gratiosissimum Colendissimi! In contextu. Celsitudo Vestra Regia, et Excelsum Consilium. In fine. Celsitudinis Vestrae Regiae, et Excelsi Consilii Regii. Intitulatio litterarum. Serenissimo Hungariae, et Bohemiae Regio haereditario Principi, Archiduci Austriae, et Inclyti Regni Hungariae Palatino, Excelsi Consilii Regii in Hungaria Praesidi, et Consiliariis Dominis Domino Dominis Benignissimo, Gratiosissimis Colendissimis.