Reverendissimo Domino Joanni Nepom[ucensi] Nimetz etc. etc. etc., Dominis
*Itt egy töredékszó: Rev törölve.
Ign[atio] Claus, Sam[ueli) Kéler, Joh[anni] Scholz, Jac[obo] Szolkovj, Godefr(ido) Magnus, Sam[ueli] Abhortis, Joan[ni] Gozalgó, et Andr(eae) Fabricius intuitu scholarum Catholicarum Poprád, Felka, et Georgenbergen[sis], – Evangelicarum vero Georgenben[sis] pariter, Felken[sis], Mattheoc, Poprád, Müllenbach, Strásen[sis], Zsákóczen[sis], Hunszdorf, Kakas Lomnicz et Ujleßnen[sis].
Visum est Suae Maiestati Sacratissimae clementer decernere, ut de omnibus scholis nationalibus iam dotatis, seu illae mixtae sint, seu non, sine omni cunctatione informatio submittatur, quo die tales effective apertae sint, id est, quo die in talibus instructis pubis publica excordium coeperit?
In consequentiam huius altissimae ordinationis regiae proinde requirendos habeo dominos directores scholarum in adnexa consignatione denotatarum, ut perspecto eo quod in exhibens taliter adursis, omnis cunctatio maximo responsionis oneri subiecta sit, et quod persaepe non praevisas post se trahere possit consequentias, iuxta hic adnexum formulare ad me informationem fide dignare pro cuius realitate nempe, si id exactum fuerit respondere valeant, nupta omni mora intromittere velint.
Cum vero tardius submissae, ne dicam minus fideliter et sine omni concinnatae semestrales relationes me deterreant, futurum ut hoc etiam altissimum mandatum cunctanter expleatur, insinuandum habeo me omnium eorum nomina, qui praedictam informationem mihi usque 24am praesentis mensis non intromiserint, in exculpationem meam informationi per reliquos mihi submissae adnexurum, ut ita me obligationi meae satisfecisse constet, et si haec quam praemetuo cunctatio fatalem aliquam post se traxerit consequentiam, persona mea ab omni ictu secura reddatur. Quo vero hoc per dominos scholarum nationalium directores tanto cum minori fatigio perfici possit, declaro me non pretensurum, ut quod plerique occasione submissarum relationem faciunt, ipsi informationi peculiarem aliquam epistolam testem suae erga me benevolentiae. Cassoviae de dato 10ae Septembris 1788.
Franc[iscus] de Kazinz. mp.