Amplissime Magistratus,
Domini singulariter colendissimi.
*A levél első oldalán a címzés felett a levél irattári jelzete: 3877. 787.
Insinuata coram superioritate literaria egregii domini Andreae Sikur, scholae nationalis localis professoris resignatione, de dato 4ae Decembris anni proxime praeteriti ii mihi fuerunt dati ordines, ut stationem hanc taliter vacaturam individuo, e statu protestantium deligendo conferam; quo ita altissimae menti regiae commixtionem scholarum in locis per diversae religionis accolas inhabitatis, praecipienti satisfiat. In cuius dispositionis obsequium, praenominatato domino professore per amplissimum hunc magistratum occasione ultimae restaurationis applicato, egregium dominum Andream Vályi, Evangelicum Helveticae Confessionis addictum, in studiis debite versatum, et in ipsa docendi methodo clementissime praescripta insigni cum laude approbatum, linguarumque praeter patriam, quae ei vernacula est, Latinae, Germanicae, Sclavicae, imo Gallicae etiam et Italicae gnarum, professorem orbatae huius suo institutore classis denominavi.
Quem eidem amplissimo magistratui, an scholae huius patrono, per perillustrem dominum Carolum Dietenhofer, scholae regiae districtus huius normalis directoris ea cum officiosa petitione praesento, ut eum quidem contestatis erga reliquos dominos scholae huius professores gratiis conplecti, ipsum vero eiusdem e tam multis aliis pro statione hac concurrentibus individuis delectum et denominationem, pro certissimo singularis illius cultus, et studii, quo erga eundem amplissimum magistratum, et iuventutis localis commodum et feror, et ferri debeo; argumento sumere dignetur. Qui expertis favoribus commendatus, persisto Cassoviae die 3a Septembris 1787.
Eiusdem Amplissimi Magistratus
servus obligatissimus, devinctissimus:
Franciscus Kazinczy mp.
[A külzeten a városi magisztrátus bejegyzése:] Expeditus den 3ten September 1787 demisse eundem. 3877. praesentatum 3a Septembris 1787. ad acta relationum 6ten September 1787. posita.