Amplissime Magistratus Civice,
Domini singulariter colendissimi!
Ex literis illustrissimi domini Ludovici Török, Supremi Studiorum per Districtum hunc Literarium directoris regii patietur se informari idem amplissimus magistratus, quam indigne ferat illustrissimus dominus comes director et excelsum Consilium Locumtenentiale Regium, quod instrumentum de emensa catechetae apud scholam huiatem capitalem applicandi annua remuneratione conficiendum per me hucdum praesentatum non fuerit.
In conformitate proinde priorum mearum literarum hoc in merito sub 23a Martii[,] 22a Februarii anni currentis et 2a Decembris anni praeterlapsi exaratarum officiose requirendum habeo amplissimum huncce magistratum civicum, ut praettactum instrumentum (non expectato ulterius reverendi patris guardiani conventus Franciscanorum huiatium assensu et subscriptione) in quatuor distinctis exemplaribus authentice expedire, et mihi quo ocyus transmittere dignetur.
Qui in reliquo pretiosis favoribus commendatus solito cum cultu persisto. Cassoviae 25a Aprilis 1787.
Eiusdem Amplissimi Magistratus
obligatissimus:
Franc[iscus] Kazinczy mp.
[A levél címzése a külzeten:] Amplissimo Magistratui Liberae Regiaeque Civitatis Cassoviensis Dominis singulariter colendissimis[.] Cassoviae ex officio[.]
*A külzeten címzés felett az irat száma: 1949. 1787. – A címzés alatt a külzeten a jobb alsó sarokban: Locus Sigilli. Inviatur ad dominum Kloszko, ut subscriptionem catechetis promeret. Die 1a Maii 1787[.] Oecon[omia.]