[A szöveg nyomtatott része dőlttel.]
Spectabilis Domine!
Dignata est Sua Majestas Sacratissima FRANCISCUS PRIMUS Austriae Imperator, Hungariae Bohemiae etc. Rex etc. Dominus Dominus Clementissimus, Bona antea Fundi Religionarii sic dicta Sátorallya Ujhelyiensia, cum eo pertinentibus in Comitatibus Zempliniensi, et Abaujvariensi situata, erga praestitam per Cameram Regiam Hungarico-Aulicam Fundo Religionario aequivalentis titulo Cambii realem e Bonis Cameralibus ex-cisionem, Camerae Regiae, subin vero e manibus Fisci Regii Illustrissimo Domino Gabrieli Lónyay de Nagy-Lónya et Vásáros-Namény, qua etiam Genitoris sui Spectabilis ac Perillustris Domini Joannis Lónyay de Nagy-Lónya et Vásáros-Namény legitime constituto Plenipotentiario, per antelatam Cameram Hungarico-Aulicam, Anno adhuc 1806. effective resignata, medio Benignarum Donationalium et Cambio Consensualium Litterarum suarum, Anno currenti 1808. emanatarum, praescriptis Spectabili ac Perillustri Domino Joanni Lónyay de Nagy-Lónya et Vásáros-Namény, ejusque unico Filio Illustrissimo Domino Gabrieli Lónyay de praerepetitis Nagy-Lónya et Vásáros-Namény hujusque Successoribus, modalitate, in Donationalibus Cambio Contensualibusque expressa perennalli titulo conferre; meque Virtute Benigni ad Venerabilem Conventum S. Crucis de Lelesz Wiennae aeque Anno currenti emanati Mandati Statutorii pro Homine suo Regio elementissime denominare; pro peragenda proin praefati Illustrissimi Domini Gabrielis Lónyay de Nagy-Lónya et Vásáros-Namény S[acrae]. C[aesareae]. R[egiae]. A[ugustae]. Majestatis Camerarii, Insignis Ordinis Sancti Stephani Regis Apostolici Equitis, Comitatus Zempliniensis Ordinarii Vice-Comitis, qua etiam praetitulati Spectabilis ac Perillustris Domini Joannis Lónyai de Nagy-Lónya et Vásáros-Namény legitime constituti Plenipotentiarii in praeadtactis Bonis Sátorallya Ujhelyiensibus cum eo spectantibus legali Statutione et Introductione Terminum in diem 15. et 16. 17. Decembris Anni currentis 1808, ad Vicum Barátszer Comitatui Zempliniensi ingremiatum qua Caput Bonorum (pro quo Benigne quoque designatus est) praesigendo Spectabilem Dominationem Vestram pro eodem defixo termino Statutionis praesentibus invito, perseverando, Őrmező die 28 Novembris Anni 1808.
Prættactæ Dominationis Vestræ
ad officiosa paratissimus
Joannes Okolisanyi mpr.
que Homo Regius.
[Kazinczy megjegyzése:]
Elébb Zemplényi Ord. V. Ispán, majd
Cs. K. Kamarás, ’s továbbad Præses
az Eperjesi Distr. Táblának, végre
Torna Vármegyei Fő-Ispán.
[A levélíró kezével:]
S. D. Franc. Kazinczÿ