Spectabilis, ac
*<Perillustris>, ac [Javítás a törlés felett.]
Generose Domine
mihi observande!
Qualiter ex Crimine Læsæ Majestatis seu Perduellionis prætitulatam Dominationem Causarum Regalium Director, et Sacræ Regni Coronæ Fiscalis ex vinculis citari facere velit ex adnexis ejusdem Actionalis Libelli genuinis Paribus uberius intelligere non gravabitur eadem Dominatio Vestra. – Ex quo autem per Articulum 56. 1791. judicandi provincia in similibus Casibus Tabulæ Regiæ Iudiciariæ delata haberetur; Hinc ego, qua antelatæ Tabulæ Regiæ Iudiciariæ Præses pro Causæ hujus Discussione Diem 23. Mensis Februarÿ cum subsequis Diebus a[nni] c[urrentis] infrascripti præfigo, et prætitulatam Dominationem in præsentiam Tabulæ Regiæ Iudiciariæ in Libera Regia, ac Metropolitana Civitate Budensi consessuræ ad personaliter comparendum, semetque subin defendendum præsentibus cito, et certifico – Cæterum maneo Pestini Die 11a Febr. 1795.
Spectabilis, ac
*<Perillustris>, ac [Javítás a törlés felett.]
Generosæ Dominationi Vestræ
Servus paratissimus
Josephus de Ürmény.
[A levél bal alsó sarkában:]
Francisco Kazinczy
[Másik lapon:]
Inclyta Tabula Regia Iudiciaria! Obsequiose detegere necessitor, qvaliter Spectabilis, ac Generosus Dominus Franciscus Kazinczy fidei, et fidelitatis Deo, Regi, et Patriæ debitæ immemor; Dei, et Hominum Timore postposito; Legumque Severitate contempto; execrandæ, ac perversæ Illi Societati, qvæ juxta Planum excitandæ in Regno hocce Hungariæ Revolutionis Anno præterlapso 1794. in unum coaluit, et contra Salutem, ac Dignitatem Regiæ Maiestatis Regis Legitimi, et Clementissimi, inqve perniciem Totius Regni, Constitutionumque Ejusdem, ac Formæ Regiminis, Thronique Regii subversionem conspiravit, semet adjungere, & a Melchiore Szulyovszky perniciosum pro Societate sic dicta Reformatorum paratum Catechismum Recipere, sicque unitis consiliis perturbationem Salutis Publicæ omnisque constitutionis, & Legum subversionem moliri non reformidaverit. – Qvia vero hujusmodi contra Regem, Ejusque Salutem, ac Dignitatem Conspirantes, Semetque erigentes, aut etiam Conspirare aliquid Tentantes, seu Tentanti scienter consentientes, vel hujusmodi aliqvem noscentes, et non Indicantes, Semet Criminis Læsæ Majestatis, seu perduellionis Reos efficerent, ac ad præscriptum S. Stephani Regis Decreti Libris 2. cap. 51o & Art[icul]orum 7:1715. 56:1791. aliarumqve pro re nata citandarum Patriæ Legum Amissione Capitis cum exasperatione, et Universorum Bonorum prævie conscribendorum, & sequestrandorum plectendi forent. – Ideo obsequiose apud 9am Tabulam Regiam Iudiciariam iusto, qvatenus antelatum Dominum Franciscum Kazinczy ex vinculis pro uno brevi, et certo Termino in præsentiam sui ad personaliter comparendum, semetque defendendum citare, ac in sui demeritum, aliorum vero fidelium Subditorum Salutare Exemplum Jus, Justitiam administrare non gravetur. Perseverando – Ejusdem Inclytæ Tabulæ Regiæ Iudiciariæ – obsequentissimus Servus Magister Joannes Németh Causarum Regalium Director, & Sacræ Regni Coronæ Fiscalis. mp.
[A levél egyik üres oldalán:]
D. Fran. Kazinczy
[A levél külső oldalán a címzés és Aradi István megjegyzése egy piros viaszpecsét alatt, illetve mellett:]
Spectabili, ac
*<Perillustri>, ac [Javítás a törlés felett.]
G[ene]roso Domino Francisco Kazinczy mihi observando.
Terminus pro 23. Februarÿ
1795.
[..] 17. Febr. 1795.
per Steph. Aradi.
Juratus ad Latus.
M[agistri] D[omini] Directoris
[A pecsét mellett a boríték szélén 90o-kal elforgatva Kazinczy megjegyzése:]
Titulus Perillustris in Spectabilis immutatus est Cancellaria Directorali – Id ipsum factum in Evocatorialibus Szulyóvszkianis. – Budæ, in carceribus, 20. Aug. 1795.
Fr. Kazinczy [mp.]